الصفحة الرئيسية › أخبار وطنية

أخبار وطنية عيدك موش اليوم.. عيدك كلّ يوم.. بقلم المسرحي نور الدين الورغي

بقلم المسرحي نور الدين الورغي

في كلامهم طُـعْـمة و بـنـّة

في سلامهم نغمة ورَنـّـة
في أحلامهم نعمة وحـنـّة
تحت أقدامهم خمور الجـنـّة
في خصايلهم أوتار وزنـّة
في كرمهم لا حسد لا مـنّة
على غضبهم الغناي غـنّى
على صبرهم أيوب إستنّى
عشقهم وهواهم المَرْسول تمنّى..

دم الكاهنة في عروقها جرّايْ
لسور الكرامة زندها بَـــنّـــايْ
عيونها وقحرتها تفكر النسّايْ
للصدور العارية جلدها كسّايْ ..

بنتي، حبيبتي ما نـنْــسى
زغاريطكم وكرطوش كلاب العَــسّة
مالرصاص والبارود خذيتو حصّة
صبركم منقوش على روس الجبال ترصّى..